राज्य सरकारने नुकतीच ‘मुख्यमंत्री- माझी लाडकी बहीण’ (Majhi Ladki Bahin Yojana) सुरू केली आहे. या योजनेसाठी अंगणवाडी सेविका, पर्यवेक्षिका, सेतू सुविधा केंद्र, ग्रामसेवक, समूह संसाधन व्यक्ती, आशा सेविकांनी करावयाची कार्यवाही निश्चित करण्यात आली आहे.
राज्यातील या कर्मचाऱ्यांनी Majhi Ladki Bahin Yojana संदर्भात करावयाची कार्यवाही निश्चित
Mukhyamantri Majhi Ladki Bahin या योजनेत पात्र महिलांना दरमहा 1500 रुपये मिळणार असून,. ग्रामीण भागातील महिलांना या योजनेचा अर्ज ‘Nari shakti Doot या ॲपवरूनही भरता येणार आहेत.
अंगणवाडी सेविका, पर्यवेक्षिका, सेतू सुविधा केंद्र, ग्रामसेवक, समूह संसाधन व्यक्ती, आशा सेविकांनी करावयाची कार्यवाही खालीलप्रमाणे
- अर्जदाराने सर्व माहिती अचूक भरल्याबाबतची खातरजमा करावी,
- अर्जदार महिलेचा बँक तपशील व त्यासंबंधीची कागदपत्रे तपासून घ्यावीत.
- बँक खाते आधार संलग्न आहे किंवा कसे याची नोंद घ्यावी.
- नसल्यास आधार संलग्न करण्याबाबत संबंधित महिलेला माहिती द्यावी.
- अर्जदारास इतर आवश्यक ते सहकार्य करावे. आवश्यकतेनुसार अर्जदाराकडून त्रुटी पूर्तता करून घ्यावी.
- तालुकास्तरीय समितीने तयार केलेल्या तात्पुरत्या यादीबाबत आक्षेप आल्यास आक्षेप एकत्रित करून तालुका समितीकडे सुपूर्द करावेत. तालुका समितीच्या सूचनानुसार कार्यवाही करावी.
अंगणवाड्यांची भाडेतत्वावरील जागांसाठी दुपटीने भाडेवाढ – महिला व बालविकास मंत्री आदिती तटकरे
तालुकास्तरीय समितीने करावयाची कार्यवाही
क्षेत्राची माहिती संकलित करणे, क्षेत्रीय यंत्रणांना मार्गदर्शन करणे, लाभार्थी महिलांची गावनिहाय तात्पुरती यादी तयार करून प्रसिद्ध करणे, वेळोवेळी बैठका घेणे, प्राप्त आक्षेप, त्रुटींची पूर्ततेची यादी पडताळणी करून तात्पुरती सुधारित पात्र, अपात्रतेची यादी जिल्हा समितीकडे सादर करणे.
जिल्हास्तरीय समितीने करावयाची कार्यवाही
प्राप्त झालेल्या यादीची तपासणी करून अंतिम यादी तयार करणे, योजना अंमलबजावणी आढावा घेणे, प्रचार- प्रसिद्धी करणे, योजनेसाठी लागणाऱ्या निधीची मागणी व मार्गदर्शक सूचनेनुसार अन्य कार्यवाही करणे.
राज्यस्तरीय समितीने करावयाची कार्यवाही
मार्गदर्शक सूचनेनुसार ‘मुख्यमंत्री – माझी लाडकी बहीण’ (Majhi Ladki Bahin Yojana) कक्ष व कॉल सेंटर कार्यान्वित करणे, योजनेच्या अंमलबजावणीचा आढावा घेणे, योजनेसाठी लागणाऱ्या निधीची शासनाकडे आवश्यकतेनुसार मागणी व मार्गदर्शक सूचनेनुसार अन्य कार्यवाही करणे असे कामकाज आहे.