एकाही पात्र बहिणीच्या खात्यात जाणारे पैसे बंद होणार नाही – उपमुख्यमंत्री एकनाथ शिंदे यांची ग्वाही, Ladki Bahin Yojana Money

Ladki Bahin Yojana Money : मुख्यमंत्री माझी लाडकी बहीण (Ladki bahin yojana) योजनेंतर्गत २ कोटी ३४ लाख लाडक्या बहिणींना पाच हप्ते आम्ही दिले. यापुढेही ते मिळत राहतील. आत्ताच्या पुरवणी मागण्यात १४०० कोटींची तरतूदही केली आहे. माझ्या एकाही पात्र लाडक्या बहिणीच्या खात्यात जाणारे पैसे बंद होणार नाही. हा त्यांच्या लाडक्या भावाचा शब्द आहे. अशी ग्वाही उपमुख्यमंत्री एकनाथ शिंदे (Eknath Shinde) यांनी विधानपरिषदेत दिली.

मुख्यमंत्री अन्नपूर्णा योजना (Annapurna Yojana) आम्ही सुरु केली. ८९ लाख कुटुंबांना वर्षातून तीन सिलेंडर मोफत देतोय. मुख्यमंत्री लेक लाडकी (Lek Ladki ) योजनेत ३४ हजार जणांना लाभ दिला आहे. साडे तीन लाखापेक्षा जास्त मुलींनी मोफत व्यावसायिक शिक्षण योजनेचा लाभ घेतलाय. मुख्यमंत्री युवा कार्य प्रशिक्षण योजनेचा लाभ सव्वा लाख लाडक्या भावांना झालाय. ज्येष्ठांसाठी मुख्यमंत्री वयोश्री योजना सुरू केली असून १२३ कोटींचे अनुदान वाटप केले त्याचा सव्वा चार लाख ज्येष्ठांना लाभ झाला आहे.

लाडकी बहीण योजनेच्या हप्त्याची तारीख पाहा

मुख्यमंत्री तीर्थदर्शन योजना सुरु केली. आत्तापर्यंत विशेष रेल्वेने मुंबई, छत्रपती संभाजीनगर, कोल्हापूरहून आणि इतर ९ शहरांतून तीर्थयात्रा सुरु झाली आहे. ६ हजारपेक्षा जास्त ज्येष्ठांनी त्याचा लाभ घेतला आहे. एसटीमध्ये ज्येष्ठ नागरिकांना प्रवास मोफत प्रवास आहे. खेड्यापाड्यातले लाखो लोक याचा फायदा घेत आहेत.

महाराष्ट्र राज्य देशात अग्रेसर

राज्यपालांच्या अभिभाषणावरील चर्चेला उत्तर देताना उपमुख्यमंत्री श्री. शिंदे बोलत होते. ते म्हणाले, गेल्या अडीच वर्षात ज्या लोककल्याणकारी योजना राबवल्या गेल्या. विक्रमी विकासकामं झाली.

1. परदेशी गुंतवणुकीत महाराष्ट्र पहिला आहे,
2. महिला सक्षमीकरणात महाराष्ट्र पहिला आहे,
3. जीएसटीत पहिले आहोत,
4. उद्योगांमध्ये पहिला क्रमांक,
5. पाच लाखांचा आरोग्य विमा देणारं पहिलं राज्य,
6. शेतकऱ्यांना मोफत वीज देणारं पहिलं राज्य,
7. १० लाख तरुणांना स्टायपेंड देणारं पहिलं राज्य,
8. देशातला सर्वाधिक लांबीचा सागरीसेतू करणारं पहिलं राज्य

आणि सर्वात मोठं मेट्रो नेटवर्क असलेलं राज्य, अशी महाराष्ट्राची देशभरात ओळख झाल्याचे उपमुख्यमंत्र्यांनी सांगितले.

लाडकी बहीण योजना वेबसाईट : https://ladakibahin.maharashtra.gov.in/

महाराष्ट्र मंत्रिमंडळ खातेवाटप संपूर्ण यादी