राज्यातील ‘या’ कर्मचाऱ्यांच्या संदर्भात सरकारचे दोन महत्वपूर्ण निर्णय!

Employee Decision : करार पद्धतीने कार्यरत अध्यापकांना एकठोक मानधन देण्याचा निर्णय तसेच कर्मचाऱ्यांना वैद्यकीय प्रतिपूर्ती योजना देण्यासंदर्भात महत्वाचा निर्णय राज्य शासनाने घेतला आहे, सविस्तर वाचा..

शासकीय वैद्यकीय महाविद्यालयातील चिकित्सालयीन व अतिविशेषोपचार प्राध्यापक आणि सहयोगी प्राध्यापकांना करार पद्धतीने मानधन देण्यात येते. जास्तीत जास्त प्रमाणात प्राध्यापक उपलब्ध व्हावेत तसेच विद्यार्थी आणि रुग्णांना त्याचा लाभ व्हावा म्हणून एक विशेष बाब म्हणून सेवानिवृत्त अध्यापकांना एकठोक रकमी मानधन देण्याचा प्रस्ताव होता.

त्यानुसार आता उर्वरित महाराष्ट्रासाठी प्राध्यापकांना एक लाख 85 हजार आणि सहयोगी प्राध्यापकांना एक लाख 70 हजार तसेच दूरस्थ क्षेत्रातील महाविद्यालयांसाठी प्राध्यापकांना दोन लाख आणि सहयोगी प्राध्यापकांना एक लाख 85 हजार मानधन देण्यात येईल.

लाडकी बहीण योजनेच्या पात्र महिलांसाठी खुशखबर!

राज्यातील या कर्मचाऱ्यांना वैद्यकीय प्रतिपूर्ती योजना

डेक्कन कॉलेज, गोखले अर्थशास्त्र व राज्यशास्त्र संस्था, टिळक महाराष्ट्र विद्यापीठातील शिक्षक व शिक्षकेत्तर कर्मचाऱ्यांना वैद्यकीय प्रतिपूर्ती योजना लागू करण्यास राज्य शासनाने मान्यता दिली आहे.

या तीनही संस्था शासनाच्या अधिपत्याखालील अभिमत विद्यापीठे आहेत. त्यामुळे शासनाच्या अनुदानित महाविद्यालयांना लागू असलेली वैद्यकीय प्रतिपूर्ती योजना त्यांना लागू करण्याचा निर्णय घेण्यात आला.

वरील दोन्ही निर्णय हे दि १३ ऑगस्ट रोजी झालेल्या मंत्रिमंडळ बैठकीत घेण्यात आले आहेत.

कंत्राटी कर्मचाऱ्यांना शासन सेवेत कायम करण्याची मागणी अपडेट पाहा

नगराध्यक्षांचा कालावधी अडीच ऐवजी पाच वर्षे

राज्यातील निवडून आलेल्या नगरपंचायतींच्या नगराध्यक्षांचा कालावधी अडीच ऐवजी 5 वर्षे करण्याचा निर्णय देखील मंत्रिमंडळाच्या बैठकीत घेण्यात आला आहे. इतर महत्वाचे निर्णय येथे पाहा